الاسم محمد جاد، السن 26 سنه .. اللقب بلطجي .. الحقيقه بطل من ابطال الثورة محمد من منطقة الشرابية و مشهور باسم "سامبو" | |
تم اتهامه بانه اعتدى على جندى امن مركزي و استولى على سلاحه و حصل على 15 يوم سجن تمهيدا لمحاكمه عسكريه. | |
ليه سامبو بطل؟
يوم 28 يونيو سامبو عرف ان الأمن المركزي بيهاجم الثوار في التحرير، جاب اصحابه و جه عشان يدافع عن المتظاهرين من ناحية الفلكي و ساعد في منع البلطجيه و الامن المركزي انهم يهاجموا الناس.
في وقت قريب من الفجر حاول ضابط ومع عساكر مهاجمة الفلكي من خلال الشوارع الضيقه بس اتمسكوا و اضربوا و اتاخد منهم السلاح و الملابس و الخوذ و كان معاهم بندقيه غاز و دي اللي ظاهره في الصورة .. الشباب محدش فيهم يعرف يستعمل البندقيه بس سامبو بسبب تجنيده كان عارف و ساعد المتظاهرين في صد العدوان من الامن المركزي.
من خلال المخبرين قدروا يعرفوا سامبو و دلوقتي تم اتهامه بانه اعتدى على جندى امن مركزي و استولى على سلاحه و حصل على 15 يوم سجن تمهيدا لمحاكمه عسكريه.
سامبو زيه زي ابطال كتيره من المناطق الشعبيه نتعالى عليهم و بنقول عليهم بلطجيه بسبب تدني ذوقهم في اللبس أو المعيشه، سامبو و اللي زيه ساعدوا المتظاهرين في صد العدوان على الثوار في التحرير اللي كانوا مش بيستحملوا تأثير قنابل الغاز الجديد لكن سامبو و امثاله كان بيقدروا و كان بينقضوا على الأمن. و اهالينا عملونا الخوف منهم و النظام علمنا نخاف منهم و نقول عليهم بلطجيه و منراعيش ظروف معيشتهم .. في الثورة لما كنت بشوف حد منهم كنت ببقى ماشي مقلق بس بعد يوم 28 عرفت دورهم و عرفت ان بسبب عزيمتهم و عنفهم قدرنا بعد كده نقدر نعمل مليونية في الشارع من غير خوف من الشرطة و الامن
ليه سامبو بطل؟ يوم 28 يونيو سامبو عرف ان الأمن المركزي بي... on Twitpic
0 المشاركات:
إرسال تعليق